"Xəstə oğluma müalicə üçün möhlət verilmir" - Hərbi komissarlıqdan şikayət və "şikayətdən imtina"

DogruXeber.az: - “Azərbaycan Respublikasınının Səfərbərlik və Hərbi Xidmətə Çağrış Üzrə Dövlət Xidmətinin Ucar rayon Şöbəsinin rəisi Ceyhun Əliyev vəzifə səlahiyyətlərindən sui-istifadə edib dövlət idarəsini şəxsi ofisə döndərib”. Bu sözləri Ucar rayonu Təzə Şilyan kənd sakini Abdullayev Mirdamət Balakişi oğlu Bizimyol.info-ya ünvanladığı şikayət məktubunda qeyd edib. Məktubda, Ucar rayon hərbi komissarı Ceyhun Əliyevin ürək xəstəsi olan Rüstəm Abdullayevi qanunsuz olaraq hərbi xidmətə aparmaq istədiyi bildirilir.

“2002-ci il tarixdə anadan olmuş oğlum Rüstəm Abdullayev ciddi xəstədir o ürək çatışmamazlığı xəstəliyindən əziyyət çəkir. Buna baxmayaraq Ucar rayon hərbi komissarı Ceyhun Əliyev qanunsuz olaraq onu hərbi xidmətə aparmaq istəyir.

Oğlum Rüstəmi 1 il əvvəl həqiqi hərbi xidmətə aparmadılar, xəstəliyinə görə möhlət hüququ verildi. Bu müddət ərzində o müayinə və müalicələr alsa da, sağalmadı. Hətta müalicə həkimi bildirir ki, Rüstəm ciddi xəstədir ürək xəstəliyinə görə ona hərbi xidmət keçmək olmaz. Ancaq buna baxmayaraq, Ucar rayon hərbi komissarı Ceyhun Əliyev xəstə oğlumu qanunsuz olaraq hərbi xidmətə aparmaq istəyir. Artıq Rüstəmə çağırış vərəqi də verilib ki, 05 yanvar 2022-ci il tarixdə hərbi komissarlıqda olsun”.

Şikayətçinin sözlərinə görə, oğlu Rüstəm əgər hərbi xidmətə aparılarsa, o sağ qalmayacaq və hər an ölə bilər. “Buna görə mənim oğlum Rüstəmə həqiqi hərbi xidmətə aparılmasından möhlət verilməlidir ki, müalicə olunsun”.

Mirdamət Abdullayev məktubun sonunda media vasitəsilə prezident İlham Əliyev və Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin rəisi Arzu Rəhimova müraciət edib.

“Xahiş edirəm xəstə övladımı zorla qanunsuz hərbi xidmətə aparmaq istəyən Ucar rayon hərbi komissarı Ceyhun Əliyevin barəsində ciddi tədbirlər görəsiniz və xəstə oğlumun hərbi xidmətə aparılmasına möhlət hüququ verəsiniz ki, müalicə olunsun”,-deyə bildirib.

Səfərbərlik və Hərbi Xidmətə Çağırış üzrə Dövlət Xidmətindən Bizimyol.info-nun sorğusuna cavab olaraq bildirilib ki, "araşdırmaya cəlb edilən vətəndaş Mirdamət Abdullayev verdiyi izahatında övladı Abdullayev Rüstəm Mirdamət oğlunun müddətli həqiqi hərbi xidmətə çağırılması ilə bağlı Xidmətin Ucar rayon şöbəsində ona qarşı qanunsuz tələblər irəli sürülmədiyini, şöbə rəisi polkovnik-leytenant Ceyhun Əliyevi tanımadığını, adıçəkilən şöbədə vətəndaşlardan rüşvət alınması barədə xəbər saytlarında guya onun fikirləri kimi yayılan məlumatların həqiqətə uyğun olmadığını və bu barədə heç bir ifadə işlətmədiyini bildirmiş, konkret olaraq şöbədə hər hansı vətəndaşdan rüşvət alınmasını görmədiyini qeyd etmişdir.

Bununla yanaşı, Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidməti hər zaman Xidmət – media əməkdaşlığına önəm verməklə kütləvi informasiya vasitələrinin, jurnalistlərin Xidmətin fəaliyyət sahəsinə dair xəbərləri hazırlayarkən konkret faktlara söykənməyi və qərəzli mövqedən çıxış etməməyi tövsiyə edir, həqiqətə uyğun olmayan, yoxlanılmamış, əməkdaşların zabit nüfuzuna xələl gətirən, böhtan xarakterli məlumatların “Kütləvi informasiya vasitələri haqqında” qanunvericiliyin tələblərinə zidd olaraq yayılmasına yol verilməməsi xahiş olunur və bu məzmunlu əsaslandırılmamış yazıların yayılmasının davam etdirilməsinin məsuliyyət yarada biləcəyi nəzərinizə çatdırılır”.

P.S. Qeyd edək ki, bizə ünvanlanan məktubda şikayətçinin və oğlunun şəxsiyət vəsiqələri, Rüstəm Abdullayevin sağlamlıq vəziyyəti ilə bağlı arayışın fotoşəkilləri, əlaqə nömrələri öz əksini tapıb. Səfərbərlik və Hərbi Xidmətə Çağırış üzrə Dövlət Xidmətinin cavabından sonra yenidən şikayətçi ilə əlaqə saxladıq və şikayətinin qüvvədə qaldığını bildirdi. Qeyd edək ki, məktubda "rüşvət" mövzusunda da fikirlər vardı. Lakin son telefon söhbətində şikayətçi o hissələrdən imtina etdiyinə görə həmin hissələri ixtisar etdik. Bu arada dövlət qurumunun cavabında yer alan "araşdırmaya cəlb edilən vətəndaş" məsələsi medianın da ağrılı yeridir. İnsanlar şikayət yazırlar, dərc olunandan sonra onlar "araşdırmaya" cəlb edilirlər və hansısa yolla şikayətdən imtina etməyə məcbur olurlar. Nəticədə media "böhtançı" cildində təqdim edilir. Baxmayaraq ki, şikayəti vətəndaşlar özləri ünvanlayırlar və bütün təsdiqləyici sənədləri də əlavə edirlər. Bütün dövlət qurumları mətbuatla əlaqələrdə maraqlı olduqlarını desələr də, az qala hamısı şikayətçiləri sonradan "limon kimi sıxıb" mətbuata qarşı danışdırırlar. Baxmayaraq ki, Prezident İlham Əliyev də mətbuatda yer alan faktların əksəriyyətinin təsdiqini tapdığını bildirmişdi. Ümid edək ki, tez-gec dövlət qurumları normal "araşdırma" mədəniyyətini də mənimsəyəcəklər.


Oxunub: 440

Son xəbərlər

Azərbaycanın xarici borcu azalıb

Müdafiə və milli təhlükəsizlik sahəsinə nə qədər vəsait xərclənib?

ABŞ Azərbaycanın regionda yaratdığı yeni reallıqlar qəbul edir - deputat

Masallıda niyə səfərbər OLA BİLMİRİK? - İTTİHAM VAR!

İlkay "Barselona" və "Real"ın HƏDƏFİNDƏ

Fars-molla rejiminin QUDURĞANLIĞI

Yaşar Həsənov həbsdən NECƏ QURTULDU? - İLGİNC İDDİALAR...

"Sağlam Ailə" Tibb Mərkəzində NAXOŞ MƏNZƏRƏ... - GİLEY

2022-ci ildə yüksək vəzifələrə gətirilmiş GƏNC KADRLAR - SİYAHI

Səlim Müslümov müalicə müəssisəsinə KÖÇÜRÜLDÜ

28 Mayda əfv gözləntisi - siyahıda kimlər var?

Cahangir Əsgərova DAHA BİR ZƏRBƏ - Nazirlik AZAL-ın tenderlərini ləğv etdi

Ramiz Mehdiyevin qohumu vəzifəsindən azad edildi - AMEA-da yüksək post tuturdu

“Sülh müqaviləsi imzalanacaq, İrəvanda Azərbaycan və Türkiyə səfirlikləri açılacaq” - Proses buna doğru gedir...

İrəvandan Antalyaya uçuşlar həyata keçiriləcək

Gömrük borcunun ödənilməsi bağlı qaydalarda dəyişiklik edildi

Baş nazir qərar İMZALADI

Xoşqədəm Hidayətqızının həbsi tələb olunur

Baydendən Kim Çen Inla bağlı AÇIQLAMA

"Müharibə başlayandan 2 ay yarım müddətində görüşməmişik" - Zelenskinin xanımı

Sabaha olan hava proqnozu AÇIQLANDI

Şabranda Qarabağ Qazisinin haqqına girən KİMDİR? - NARAZILIQ VAR!

Şabranda narkotik bitkilərin kultivasiyası və satışı ilə məşğul olan şəxs saxlanılıb

Abşeron rayonunda silsilə tədbirlər keçirilib

Ermənilər Kəlbəcəri ATƏŞƏ TUTDU

20 günə 13 tender müqaviləsi imzalayan holdinq... - Külli miqdarda vergi borcu var

Fuad Muradov bu işi BACARA BİLMƏDİ... - İTTİHAM VAR!

Milli parklarda "açıq qapı" günü keçiriləcək

Bu rayonlara qar yağıb - VİDEO

Bu rayonda dirilərin ruzisi ölülərin torpağından çıxır - ŞOK GÖRÜNTÜLƏR

Bütün xəbərlər