Telegram Facebook Twitter Youtube Instagram
dogruxeber.az
dogruxeber.az

Azərbaycan Premyer Liqasında XX turun daha iki oyunu keçiriləcək

Azərbaycan Premyer Liqasında XX turun daha iki oyunu keçiriləcək
10-03-2019, 11:13 265 dəfə baxılıb

Azərbaycan Premyer Liqasında XX turun daha iki oyunu keçiriləcək












Bu gün futbol üzrə Azərbaycan Premyer Liqasında XX turun daha iki oyunu keçiriləcək.

Hər iki qarşılaşma paytaxtdan kənarda olacaq.

Əvvəlcə “Qəbələ” doğma meydanda “Səbail”i sınağa çəkəcək. Əyalət təmsilçisi 25 xalla 4-cü, paytaxt klubu isə 31 xalla 3-cü pillədə qərarlaşıb. “Səbail” son iki oyunda rəqibinə qol vura bilmir. “Qəbələ” isə evdəki qarşılaşmalarda paytaxt klubuna uduzmayıb və hamısında qol vurmağı bacarıb. Meydan sahiblərinin kapitanı Cavid Hüseynov sarı vərəqə limitini doldurduğu üçün bu görüşdə iştirak etməyəcək. Premyer Liqanın birinci dövrəsindəki matçda “Qəbələ” böyük hesablı qələbə qazanıb – 3:0. İkinci dövrədəki oyunda isə qapılara qol vurulmayıb.

Tura Sumqayıtda yekun vurulacaq. Şəhərin eyniadlı komandası “Kapital Bank Arena”da çempionluğa iddialı “Neftçi” ilə münasibətlərə aydınlıq gətirəcək. Son üç görüşdə rəqibinə uduzmayan flaqman “Qarabağ”ın xal itirməsindən yararlanaraq vahid lider olmağa çalışacaq. “Gənclik şəhəri” təmsilçisi isə son pillədən qurtulmaq niyyətindədir. “Neftçi” 41 xalla ikinci, “Sumqayıt” 16 xalla sonuncu-səkkizincidir. “Neftçi”nin iki futbolçusu bu görüşü buraxacaq. Yarımmüdafiəçi Soni Mustivar sarı vərəqə limitini doldurubsa, Məhəmməd Mirzəbəyov ötən tur “Sabah”la görüşdə qırmızı vərəqə aldığı üçün Sumqayıt səfərində meydana çıxmayacaq. İlk dövrədə flaqman səfərdə rəqibini 2:0 hesabı ilə üstələyib. İkinci dövrədəki görüş qolsuz yekunlaşıb.

Turun digər oyunlarında “Keşlə” “Sabah”ı 3:0 hesabı ilə üstələyib, “Qarabağ” – “Zirə” matçı isə qolsuz bərabərliklə başa çatıb.

Azərbaycan Premyer Liqası, XX tur

10 mart (bazar)

14:00. “Qəbələ” – “Səbail”

Hakimlər: İnqilab Məmmədov, Pərvin Talıbov, Cavanşir Yusifov, Rövşən Rəcəbov

Hakim-inspektor: Fazil Mürşüdov

AFFA nümayəndəsi: Erkin Hüseynov

Qəbələ şəhər stadionu

İlk 2 dövrədəki oyunlar: 3:0, 0:0

16:30. “Sumqayıt” – “Neftçi”

Hakimlər: Rəşad Əhmədov, Vüqar Bayramov, Qəzənfər Məmmədov, Nicat İsmayıllı

Hakim-inspektor: Əhmədağa Cabbarov

AFFA nümayəndəsi: Ələddin Ələkbərov

“Kapital Bank Arena”, 16:30

İlk 2 dövrədəki oyunlar: 0:2, 0:0

(Report)






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR

XƏBƏR LENTİ
BÜTÜN XƏBƏRLƏR
DÜNYA
SƏHİYYƏ
İDMAN
ŞOU-BİZNES
YAZARLAR
«    May 2021    »
BeÇaÇCaCŞB
 12
3456789
10111213141516
17181920212223
24252627282930
31 
Telegram Facebook Twitter Youtube Instagram