https://cdn2.trend.az/media/pictures/2016/02/23/azerbaijan_iran_flags_230216.jpg









İqtisadiyyat naziri, Azərbaycanla İran arasında iqtisadi, ticarət və humanitar sahələr üzrə Dövlət Komissiyasının həmsədri Şahin Mustafayev ölkəmizdə səfərdə olan İranın Prezident Aparatının rəhbəri Mahmud Vaezi ilə görüşüb.

dogruxeberaz.info Trend-ə istinadən xəbər verir ki, Azərbaycan-İran iqtisadi əlaqələrinə, əməkdaşlıq perspektivlərinə və qarşılıqlı maraq doğuran digər məsələlərə dair geniş fikir mübadiləsinin aparıldığı görüşdə nazir Ş.Mustafayev Azərbaycan və İran prezidentlərinin siyasi iradəsi və birgə səyləri nəticəsində ölkələrimiz arasında siyasi əlaqələrin yüksək səviyyədə olduğunu, əməkdaşlığın bütün sahələrdə, eləcə də iqtisadi sahədə uğurla inkişaf etdiyini vurğulayıb. Bildirilib ki, son 4 ildə yüksək səviyyəli 10 görüş keçirilib, müxtəlif tərkibli nümayəndə heyətlərinin 100-dən çox qarşılıqlı səfəri həyata keçirilib, 40-dan çox sənəd imzalanıb, Azərbaycanla İran arasında iqtisadi, ticarət və humanitar sahələr üzrə Dövlət Komissiyasının 3 iclası keçirilib. Yaxın zamanlarda Dövlət Komissiyasının növbəti iclasının keçirilməsi planlaşdırılır.

Ölkələrimiz arasında əməkdaşlığın genişləndirilməsinə dair fikirlərini bildirən Ş.Mustafayev qeyd edib ki, ticarət dövriyyəsi 2016-cı ildə 70%, 2017-ci ilin yanvar-sentyabr aylarında isə 33% artıb. Azərbaycan və İran investisiya qoyuluşu sahəsində də əməkdaşlıq edir, Azərbaycanda İran şirkətləri uğurla fəaliyyət göstərir. Ölkələrimizin Şimal-Cənub nəqliyyat dəhlizi, Neftçala Sənaye Zonasında birgə avtomobil istehsalı zavodu, Pirallahı Sənaye Parkında birgə əczaçılıq zavodu, energetika sahəsində “Xudafərin/Qız Qalası” hidroqovşaqları kimi layihələr çərçivəsində əməkdaşlıq etdiyini bildirən nazir Şahin Mustafayev bu layihələrin əhəmiyyətini vurğulayıb. Qeyd edilib ki, avtomobil istehsalı və əczaçılıq zavodlarının tikintisi sahəsində işlər davam etdirilir. Azərbaycanın Ələt limanı ilə İranın Ənzəli və Əmirabad limanları arasında əməkdaşlığın genişləndirilməsi ölkələrimiz arasında nəqliyyat və tranzit sahələrində əlaqələrin inkişafı baxımından önəmlidir. Sabirabad Sənaye Məhəlləsində avtobus, Hacıqabul Sənaye Məhəlləsində isə birgə kənd təsərrüfatı texnikasının istehsalı üçün imkanlar genişdir.

M.Vaezi səfər çərçivəsində Azərbaycan Prezidentinin İran nümayəndə heyətini qəbul etməsindən məmnunluğunu bildirib, son zamanlar ölkələrimiz arasında əməkdaşlığın inkişafı istiqamətində mühüm işlərin görüldüyünü vurğulayıb. Kənd təsərrüfatı, sənaye, bankçılıq, neft-qaz sahələrində əməkdaşlıq imkanlarını qeyd edən M.Vaezi bildirib ki, ölkələrimiz arasında birgə layihələr olan avtomobil istehsalı və əczaçılıq zavodlarının tikintisi sahəsində görülən işlər sürətləndirilməlidir.

Görüşdə həmçinin, Azərbaycanla İran arasında iqtisadi, ticarət və humanitar sahələr üzrə Dövlət Komissiyasının növbəti iclasına, Şimal-Cənub nəqliyyat dəhlizinin tərkib hissəsi olan Rəşt-Astara dəmir yolu xəttinin tikintisinin maliyyələşdirilməsinə, Astara (İran) terminalına dair müzakirələr aparılıb.

Son xəbərlər

Məhbusun ŞOK iddiası

Müdafiə Nazirliyindən hərbçimizin həlak olması ilə bağlı AÇIQLAMA - FOTO/VİDEO

Ulduzlar bu gün nə deyir

81 il birlikdə yaşayan cütlükdən möhkəm ailənin sirrii...

Çində boyalı kişilərin televiziyada nümayişi qadağan edildi

Sürücü DYP əməkdaşından narazıdır - YENİLƏNDİ

Qubada orta məktəbdə narkotik əleyhinə maarifləndirmə tədbiri keçirilib

Media camesəi adından Prezidentə MÜRACİƏT OLUNDU - "Xahiş edirik ki..."

Banklar dolların alış qiymətini niyə qaldırıb? - ARAŞDIRMA

Nazir polis mayoruna yeni vəzifə verdi - ƏMR

Avropada əsəblər tarıma çəkilib: Gözləntilər nələrdir? - GƏLİŞMƏ

Sabaha olan hava proqnozu açıqlandı - XƏBƏRDARLIQ

Ölkəyə gətirilən yeni dərmanlar 20 faiz BAHALAŞDI – Keyfiyyət artacaqmı?

Fransa prezidentliyinə namizəddən növbəti HƏDSİZLİK – Azərbaycana qarşı iddia qaldıracaq...

"İndi bütün telekanallar bir birinə oxşayır" - Xalq artisti

Minimum pensiya məbləği artdı: Problem nədədir?

Rəqsanənin müğənni qızı xəsarət aldı - VİDEO

Hərbi Akademiyada doktorant olmaq istəyənlərin NƏZƏRİNƏ

Caliber.Az artıq həm də erməni dilində!

Bakıda anbardakı yanğın söndürüldü - YENİLƏNİB

"Mənə təkidlə “sığorta yalnız xaricdə keçərlidir” dedilər" - “Atəşgah Sığorta”dan HOQQABAZLIQ...

Bakıda anbar yanır

AMEA-nın şöbə müdiri vəfat etdi - FOTO

Vasif Talıbovun oğulları Londona PUL YATIRIR - Büdcədən oğurlanmış 77 MİLYON MANAT

Gündəlik dualar və savabları

Çobanyastığı bitgisinin faydaları

Yeni məmurların mərəzi: “Rüşvət almırlar deyə, iş də görmürlər” - Deputatdan İLGİNC AÇIQLAMALAR

Keyfiyyətsiz dərmanlar Azərbaycana hansı yolla və necə gətirilir? - Diqqət, TƏHLÜKƏ!!!

Azərbaycanda ətin qiyməti BAHALAŞDI

BU NƏDİ BELƏ: Azərbaycanda vəkil insanları boşanmağa ÇAĞIRDI - FOTOFAKT

Bütün xəbərlər