Bakıda ata itkin düşən qızının axtarışına başlayıb.

DogruXeber.az Baku.ws-ə istinadən xəbər verir ki, bu barədə Suraxanı rayon sakini 1971-ci il təvəllüdlü Famil Misir oğlu Əzizov Nizami rayon Polis İdarəsi 24-cü polis bölməsinə müraciət edib.

O, polisə bildirib ki, onunla birgə Yeni Günəşli qəsəbəsi. V massivi, ev 19, mənzil 99 ünvanında yaşayan 1999-cu il təvəllüdlü Nəriqə Famil qızı Əzizova itkin düşüb. Ata bildirib ki, hadisə qızı ilə birgə Nizami rayonu, Qara Qarayev prospekti 76 ünvanında olarkən baş verib.

Belə ki, Nəriqə Əzizova naməlum istiqamətə hərəkət edib və qəfil yoxa çıxıb.

Faktla bağlı Bakı şəhər Nizami rayon Polis İdarəsi 24-cü polis bölməsində araşdırma aparılır.